CGMA arestuhin uli!

MANILA, Philippines - Nakaka-isang ga­bing tulog pa lang si Pampanga Rep. Gloria Arroyo sa kanilang bahay sa La Vista, Quezon City matapos pansa­mantalang makalaya sa pagka-hospital arrest sa Veterans Memorial Medical Center nitong Miyerkoles, muli naman itong ipinapaaresto ng Ombudsman.

Kahapon ay iginiit ng Ombudsman sa Sandi­ganbayan na magpalabas ito ng warrant of arrest laban kay CGMA dahil naman sa kasong plunder bunga ng uma­no’y illegal transfer ng pondo sa Philippine Cha­rity Sweepstakes Office (PCSO).

Nagsampa kahapon ang mga prosecutors mula sa Ombudsman ng isang mosyon na humihiling sa korte na magpa­labas ng warrant of arrest laban sa dating pangulo.

Ayon kay Prosecutor Diosdado Calonge ng Ombudsman, ang ka­­song plunder ay isang non-bai­lable offense ka­yat dapat na maghigpit sa kalayaan ni CGMA.

Kaugnay nito, kinuwestyon ng abogado ni Mrs. Arroyo na si Atty. Christian Diaz na ang warrant of arrest ay wa­lang saysay sa ngayon.

Binigyang diin ni Diaz na hindi maa­aring makapagpalabas ng war­rant of arrest ang Sandiganbayan dahil hindi pa natatapos ang preliminary investigation (PI) ng Ombudsman hinggil sa kaso at may kara­ pa­tan si Mrs. Arroyo na kumpletuhin ang preli­minary investigation bago muling ipaaresto.

Anya, inaresto na si Mrs. Arroyo sa kasong electoral sabotage na nakasampa sa Pasay court bago pa ang preliminary investigation.

Si CGMA ay pansa­mantalang nakalaya mu­la sa Veterans hospital no­ong Miyerkoles matapos payagan ni Pa­say RTC Judge Jesus Mupas­ na maka­pagpiyansa ng P1 milyon sa kasong electoral sabotage.

Naglabas na rin ang Sandiganbayan ng hold departure order laban kay Arroyo kaugnay ng kaso nitong plunder sa PCSO.