Tumakas na tax evader, wanted na kung 'di susuko - BIR

Manila, Philippines -  Idedeklara na ng Bureau of Internal Revenue (BIR) na wanted sa batas ang convicted tax evader na si Gloria Kintanar kapag hindi pa sumuko anumang  araw mula ngayon.

Ayon kay BIR Commissioner Kim Henares,kung di susuko si Kintanar sa batas, lalo lamang nitong  pinabibigat  ang kaniyang kaso sa patuloy nitong pagtatago.

Sinabi ni Henares, puwede ring sampahan ng kaso ang mga abogado ni Kintanar dahil dito.

Ang pahayag ng BIR ay ginawa kasunod ng kanilang pahayag na may life threatening disease ang kanilang kliyente at naka-confine sa isang ospital sa Cavite ngunit nang puntahan ng court sheriff ay wala na roon si Kintanar.