Zubiri, Isko nanumpa na sa partido ni Erap
MANILA, Philippines – Pormal nang nanumpa kahapon sa partido ni dating Pangulong Joseph Estrada na Pwersa ng Masang Pilipino (PMP) si dating Senator Juan Miguel Zubiri bilang paghahanda sa 2013 senatorial election.
Kasabay na nanumpa ni Zubiri si dating Solicitor General Frank Chavez at Manila Vice Mayor Isko Moreno sa Club Filipino sa San Juan.
Mismong si Senate President Juan Ponce Enrile, chairperson ng PMP, ang nanguna sa panunumpa ni Zubiri at mga bagong miyembro ng PMP.
Nakatakda namang ianunsiyo ni Erap sa Mayo 12 kung tatakbo siya o hindi sa pagka-alkalde ng Maynila sa halalan sa susunod na taon.
“Sa May 12… Siyam na tulog na lang, malalaman niyo na kung tatakbo ako o si Isko ang mayor ninyo,” ayon pa kay Estrada sa kaniyang talumpati.
Sakaling magdesisyon siyang tumakbo ay may posibilidad na ma ging running mate niya si Moreno. (Malou Escudero/Rudy Andal/Gemma Garcia/Mer Layson)
- Latest
- Trending
