Ping pahinga muna sa 2013
MANILA, Philippines - Kinumpirma ni Senator Panfilo “Ping” Lacson na hindi siya tatakbo bilang kongresista, mayor o gobernador sa 2013 midterm election.
Magtatapos ang termino ni Lacson sa 2013 na napapaulat din na posibleng italaga sa Gabinete ni Pangulong Benigno Aquino III. “I’m not running, that’s an absolute no,” sabi ni Lacson.
Kabilang sa mga senador na ga-graduate sa 2013 sina Sens. Manny Villar, Francis “Kiko” Pangilinan at Edgardo Angara.
Bagaman at nagkaroon ng ispikulasyon na itatalaga si Lacson sa DILG itinanggi naman ng senador na inialok na sa kaniya ang nasabing posisyon.
Kilalang kaibigan ni Pangulong Aquino si Lacson kaya hindi maiwasan ang mga ispikulasyon na bibigyan ito ng puwesto sa Gabinete pagkatapos ng kaniyang termino.
- Latest
- Trending
