Life sa 'pyramiding queen'

MANILA, Philippines - Pinagtibay ng Court of Appeals (CA) ang hatol na pagkabilanggo laban sa tinaguriang “pyramiding queen” na si Rosario Ba­ladjay kaugnay ng kinakaharap nitong mga kaso ng estafa.

Gayunman, sa 21 pahinang desisyon ng CA’s Special 15th Division, ay binago nito ang hatol ng Makati Regional Trial Court laban kay Balajadjay at kapwa akusado nitong si Robella de Guzman mula sa reclusion perpetua ay ginawa itong reclusion temporal o pagkabilanggo mula 4 na taon hanggang 20 taon.

Naabswelto naman ang kapwa akusado ng mga ito na si Rosalina Borja dahil sa kawalan ng sapat na ebidensya.

Pinagbabayad naman ng korte sina Ba­ladjay at de Guzman ng P4 million na may anim na porsyentong interes kada taon sa mga complainant.

Nag-ugat ang kaso matapos na magreklamo ang isang Christine Yu na kabilang umano sa mga naloko nina Baladjay at nag-invest sa kanilang itinayong kumpanya.