Summer mararamdaman na

MANILA, Philippines - Papalapit na ang opisyal na pagpasok ng summer o dry season, ayon sa PAGASA.

Sinabi ni weather forecaster Aldzar Aurelio, ang nasabing panahon ay mararanasan batay sa mga nakikitaang sen­yales, tulad ng mas mainit na panahon, paghina ng hanging amihan, mainit na hangin at pag-igsi ng oras ng gabi.

Kadalasan aniyang nagsisimula ang dry season sa pagitan ng huling linggo ng Peb­rero at unang linggo ng Marso.

Hindi pa naman masabi ng PAGASA kung kailan ang opisyal na pagsisimula ng dry season dahil may mga iba pa sila umanong mga sen­yales na pinag-aaralan.

Naitala noong Biyer­nes ang pinakamainit na panahon ngayong taon sa Subic sa temperaturang 35 degrees celcius.