BPO industry sa Phl lalago

MANILA, Philippines - Inihayag kahapon ng pamunuan ng Depart­ment of Transportation and Communication (DOTC) na lalago ang Business Process Outsourcing industry sa bansa.

Ayon kay DOTC Undersecretary Rene Limcaoco, ang pag-alagwa ng industiya ay bunsod ng pagbubukas ng ikalimang opisina ng  isang BPO solutions provider.

“Opening a new site for a business that employs young Filipinos is always a refreshing opportunity, just as refreshing as kno­wing, and actually feeling, that we are in a new age of hope in the Philippines, a new era in governance and politics, a period of growing confidence and faith in our public institutions,” ani Limcaoco.

Idinagdag ni Usec. Limcaoco na ang pagbubukas ng bagong opisina ng naturang service provider ay katumbas din ng pagkakaroon ng mara­ ming trabaho ng ating ka­ba­bayan.

Binanggit ni Usec. Lim­caoco, batay sa ulat ng Business Processing Association of the Phi­lippines, pangalawa ang IT-BPO industry, kasunod ng OFW remittance, ang nakakapag-ambag ng malaking ayuda sa pag-angat ng ekonomiya ng bansa kung saan ay nakapag-ambag ng 4.8 porsyento sa gross domestic product noong na­karaang taon matapos na kumita ang BPO sector ng $9 bilyon.

Sinabi pa ni Limcaoco na nalagpasan na ng Pilipinas ang India bilang world’s biggest provider.

Kasabay nito, sini­guro ni Usec. Limcaoco na ma­bigyan ng maayos, mabi­lis at ligtas na transportas­ yon ang mga nasa BPO industry dahil sa patuloy na paglago ng nasabing industriya.