Solon pinakakastigo
MANILA, Philippines - Pinaiimbestigahan ni House Speaker Feliciano Belmonte si Anad Party list Rep. Pastor Alcober matapos akusahan ang mga kongresista na tumanggap ng tig-isang milyon piso kapalit ang pagpirma sa impeachment laban kay Chief Justice Renato Corona.
Sinabi ni Belmonte na inatasan na niya ang House Committee on Ethics upang imbestigahan si Alcober.
Paliwanag ng House Speaker, walang basehan ang akusasyon ni Alcober dahil wala namang kapalit ang pagsuporta nila sa reklamong pagpapatalsik laban kay Corona.
Siniguro ni Belmonte na mismong ang mga kongresista ang maghahain ng reklamo laban kay Alcober dahil sa mga walang basehang akusasyon.
Sinuportahan naman ni Eastern Samar Rep. Ben Evardone ang hakbang ni Belmonte at sinabing tama lamang na disiplinahin si Alcober.
Giit ni Evardone, nakakasira umano sa imahe ng institusyon ang mga akusasyon ni Alcober lalo na at isa rin itong mambabatas.
Sa lumabas na pahayag, sinabi ni Alcover na “They said they accepted because they want to give Christmas presents to their constituents. They’re shameless.”
Binatikos din ni Alcover si Pangulong Aquino dahil sa pagkakaroon ng victory party para sa 188 na pumirma sa impeachment. (Butch Quejada/Gemma Garcia)
- Latest
- Trending
