'Hostage' sa patay, bawal na!

MANILA, Philippines - Ipagbabawal na ang pag-hostage ng ospital, morgue at punerarya sa mga bangkay dahil sa hindi makabayad ang kanilang mga kaanak.

Ito ay sa sandaling maipasa ang House Bill No. 5035 o “Anti-Detention of Cadaver Act of 2011 na inihain ni Eastern Samar Rep. Ben Evardone na nagbabawal na ng pangho-hostage ng bangkay dahil hindi makabayad ng hospital o medical bills at funeral services.

Magiging labag din sa batas sa sinuman na ipagbawal o ibinbin ang pagpapalabas ng Death Certificate ng namatay dahil hindi nakabayad ng buo o may natitirang utang.

Mababalewala rin umano ang anumang kasunduan o kontrata na ginawa na pumapayag na ma-hostage ang bangkay o mabitin ang pagbibigay ng death certificate. (Butch Quejada/Gemma Garcia)