MANILA, Philippines - Patuloy na lumalakas ang bagyong Kabayan habang kumikilos papuntang Norte.
Sa latest forecasting ng PAGASA, alas-11 ng umaga kahapon si Kabayan ay namataan sa layong 1,140 kilometro silangan hilagang silangan ng Basco, Batanes taglay ang lakas ng hanging 165 kilometro bawat oras malapit sa gitna at may pagbugso ng hangin hanggang 200 kilometro bawat oras.
Si Kabayan ay kumikilos pa-hilaga hilagang kanluran sa bilis na 11 kilometro bawat oras.
Ngayong Miyerkules ng umaga, si Kabayan ay inaasahang nasa layong 990 kilometro silangan hilagang silangan ng Basco at nasa layong 785 kilometro hilaga hilagang silangan ng Basco sa Huwebes ng umaga.
Patuloy na pinapayuhan ng PAGASA ang mga residente sa nabanggit na lugar na mag-ingat at ugaliing mapagmasid sa paligid upang makaiwas sa epekto ni Kabayan.