Mga santo binastos sa exhibit

Manila, Philippines - Pinaboboykot ng isang Obispo ng Catholic Bishops Conference of the Philippines (CBCP) ang exhibit ng umano’y pambabastos sa mga santo sa Cultural Center of the Philippines (CCP).

Ayon kay CBCP Public Affairs Committee chairman at Caloocan Bishops Deogracias Iñiguez, hindi dapat pang payagan ang libreng pagpapalabas ng exhibit ni Mideo Cruz na pinamagatang ‘Kulo’ na nagsimula noong Hunyo 17 at tatagal hanggang Agosto 21.

Sinabi ni Iniguez na lantarang pambabastos sa mga Katoliko ang ginagawa ni Cruz dahil ang mga Filipino ay mga relihiyoso. Inihalimbawa ni Iniguez ang pulang condom na nakasabit sa isang krus.

Giit pa ni Iniguez, da­pat na maging sensitibo at magalang si Cruz sa ma­raramdaman ng iba. Dapat umano nitong respetuhin ang relihiyon ng ibang tao.

Kaugnay nito, itinutu­ring naman ni dating Lin­gayen-Dagupan Archbi­shop Oscar Cruz na isang “sick” exhibit ito.

Aniya, wala sa katinuan ang mga gumagawa ng tulad nito.

Naniniwala ang Obis­­po na ginagawa lamang ni Mideo ang exhibit na tulad nito upang makakuha ng atensiyon ng publiko.

Dismayado din ang Obispo sa pagpi-feature ng isang television station ng exhibit ni Mideo.