Pacquiao pinakamayamang congressman

MANILA, Philippines - Si Pambansang Kamao at Sarangani Rep. Manny “Pacman” Pacquiao ang kauna-unahang bilyonaryong miyembro ng Mababang Kapulungan ng Kongreso.

Ayon kay Atty. Ricardo Bering, chief ng Records Division sa Kamara base sa isinumiteng Statement of Assets Liabilities and Networth (SALN) ng mga mambabatas, lumalabas na si Pacquiao ang pinakamayaman.

“He declared more than a billion pesos networth,” wika ni Bering sa tanggapan ni House Secretary General Marilyn Barua-Yap.

Hindi pa naman pinapalabas ni Yap ang official report ng SALN ng mga kongresista dahil noong Abril 30 pa lamang umano ang deadline ng paghahain ng mga ito ng mga dokumento ng kanilang yaman, subalit siniguro nito na si Pacman ang pinakamayaman.

Lumalabas na nadaig na ni Pacman ang yaman ng mag-asawang Sen. Manny Villar at dating Congresswoman Cynthia Villar na siyang pinakamayaman sa Kongreso subalit hindi naman umabot sa bilyon ang kanilang kayamanan.

Matatandaan na noong 2009 ay idi­ne­k­lara ni Congw. Villar ang kanilang SALN na umaabot sa P947,883,619.

Kinumpirma rin ni Be­ring na bukod kina Ang Galing Pinoy party-list Rep. Mikey Arroyo at Camarines Sur Rep. Diosdado “Dato” Arroyo, humingi din ang BIR ng kopya ng SALN nina Pacquiao at Bulacan Rep. Linabelle Ruth Villarica.