'Disiplinahin ang hanay'

MANILA, Philippines - Pinagsabihan kahapon ng liderato ng Armed Forces of the Philippines (AFP) ang mga rebeldeng New People’s Army (NPA) na disiplinahin ang kanilang hanay kaugnay ng mga paglabag sa umiiral na ceasefire.

Ayon kay AFP Spokesman Brig. Gen. Jose Mabanta, posibleng hindi kontrolado ng NPA ang kanilang mga tauhan kaya ay mga red fighters na nasasangkot sa karahasan sa kabila ng tigil putukan.

“We would like to remind the hierarchy of the CPP-NPA-NDF  to  please ensure that the ceasefire as its end, is implemented at the lowest level, we believe the good intensions of the leadership of the CPP-NPA,” anang AFP Spokesman.

Ang tigil putukan ay idineklara ng pamahalaan umpisa nitong nakalipas na Disyembre 16 na tatagal hanggang Enero 2011. 

Kabilang sa mga paglabag ng NPA rebels sa ceasefire ang pananambang ng mga ito sa CAFGU member na si Larry Bustamante, nakatalaga sa Army’s 12th Infantry Battalion (IB) sa 3rd Infantry Division sa Brgy. Humay-Humay, Guihulngan, Negros Oriental.

Masuwerte namang nakaligtas sa insidente si Bustamante.