MANILA, Philippines - Round the clock na binabantayan ng mga miyembro ng Volunteer Against Crime and Corruption ang mga donation box na nakakalat sa mga shopping mall.
Ito ay matapos ilunsad ng VACC ang P2 million campaign fund para gawing pabuya sa agarang ikadarakip ni Senador Panfilo “Ping” Lacson na utak sa Dacer-Corbito double murder case.
Sinabi VACC Chairman Dante Jimenez na, mula pagbubukas at pagsasara ng mall, binabantayan ng mga tauhan nila ang donation box at ang mga ito ay nakasuot ng id at VACC vest. Target din aniya ng VACC na maglagay ng donation box sa Senado. Mahigit sa P200,000 pledges ang kanilang natanggap sa ngayon.