Gun ban nagtapos na

MANILA, Philippines - Sa kabila ng pagtatapos ng nationwide gun ban kaninang hatinggabi, tuloy pa rin ang implementasyon nito sa ilang mga lugar sa lalawigan ng Basilan, Bulacan at Lanao del Sur na nabigong magdaos ng Brgy., SK elections noong Oktubre 25.

Ayon kay Sr. Supt. Noel Barraceros, PNP Deputy Spokesman, pinalawig pa ang gun ban sa buong lalawigan ng Basilan, unang distrito ng Bulacan at ilang mga lugar sa Lanao del Sur kaugnay ng gagana­ping special elections dito sa Nobyembre 13.

“The gun ban is extended until November 28 in these areas,” ani Barraceros dahil alinsunod sa patakaran ay epektibo sa loob ng 15 araw ang gun ban matapos ang special elections.

Samantala tuloy rin ang liquor ban sa Nobyembre 13 elections na limitado lamang sa mga lugar kung saan ginaganap ang natu­rang halalan.

Alinsunod sa pagtatapos ng gun ban, maari ng dalhin ng mga gun owners ang kanilang mga armas kung may Permit To Carry Firearms Outside Residence (PTCFOR) ang mga ito na inisyu ng PNP.

Sa tala ng PNP, uma­abot na sa 926 katao ang nasakote simula ng ipatupad ang gun ban noong Setyembre 25.