MANILA, Philippines - Pormal nang inilunsad kahapon ang Balik Probinsiya 02.22 para matulungan nitong mapasigla ang larangan ng turismo at agrikultura sa bansa sa pamamagitan ng paglalaan ng mga livelihood programs sa mga taga siyudad na nais magbalik sa kani-kanilang lalawigan.
Sinabi ni Jose “Tito” Osias, convenor ng Balik Probinsiya Inc., ang hakbang ay kakaiba sa mga balik probinsiya program ng nagdaang mga taon, dahil ito ay isang pribadong inisyatiba para matulungan ang mga taong nais kumita at mamuhay ng matiwasay sa mga probinsiyang kanilang pinagmulan.
Ang Balik Probinsiya 02.22 ay takdang magsagawa ng trade exhibit sa Pebrero 18-20, 2011 bilang hudyat ng pakikipag-kapit bisig nito sa mga Pinoy na nais magbalik probinsiya at mapaunlad ang kaalaman sa pagnenegosyo.
Sa mga interesado, mag-log on sa bprobinsiya2011 @yahoo.com o tumawag sa (02) 692-1924 o mag-text sa 0915 7907796 at 0923 7102778.