Robredo kinastigo sa jueteng

MANILA, Philippines - Kinastigo kahapon ni Sen. Chiz Escudero at iba pang mambabatas sa Mababang Kapulungan si DILG Sec. Jesse Robredo sa paninisi sa Philippine National Police kaugnay ng ‘di masupil na pagla­ga­nap ng jueteng sa bansa.

Ayon kay Escudero, kakatwang tinutuligsa ni Robredo ang “kahinaan” ng isang sangay ng pa­mahalaan na nasa ilalim din ng kanyang panga­nga­­siwa.

“Sec. Robredo should protect the PNP as an institution under DILG. Why is he destroying it by bad­mouthing the very organization he’s supposed to protect?” wika ni Senador Escudero.

“Wala syang (Rob­redo) ginawa kundi mag­turo at magpasa ng sisi,” ayon naman kay Anak­pawis Rep. Rafael Mariano.

Dagdag ni Mariano, ito rin ang ginawa ni Robredo sa naganap na Manila hostage-taking noong Agosto 23 imbes na ipag­ laban ang mga taong nasa ilalim ng kanyang pamu­muno.

Bunsod nito, muling hiniling ni House minority leader at Albay Rep. Edcel Lagman, isang kritiko ni Rob­redo, na dapat mag­bitiw sa tung­kulin si Rob­redo dahil sa delicadeza. Tinawag pa na “incompetent’ ni Lagman si Robredo.

Sabi naman ni Sen. Miriam Defensor San­tiago, ang pagsugpo sa jueteng ay parehong trabaho ng DILG at PNP at kailangang magtulu­ngan ang dala­wang ahen­siya upang mapahinto ang jueteng.

Wika ni Santiago, ang paninisi ni Robredo ay hindi katanggap-tanggap.

“(This is) a standard defense which is unacceptable because identifying jueteng operators is the task of the [Department of Interior and Local Government] and [Philippine National Police] chief,” wika ni Santiago.

Nakatakdang magsa­gawa ng hiwalay na im­ bes­­tigasyon ang Senado at Kamara ukol sa pa­hayag ni dating Lingayen Archbishop Oscar Cruz na ang ilang opisyal sa ilalim ng Aquino administration ay tuma­tanggap ng bu­wanang jueteng payola.

P2M weekly payola sa DILG chief?

Kasunod pa rin ng tumitinding isyu sa jue­ teng, inakusahan naman ng isang military spy sa Bicol ang DILG chief na tumatanggap uma­no ng P2 milyon bawat linggo bilang jue­teng payola.  

Isang “bagwoman” uma­no ang nagdadala ng pera kay Robredo nang ang huli ay mayor pa ng Naga.

Magugunita na pinag­dudahan ang nasyona­lidad ni Robredo na si­nasabing hindi Pilipino at ipinagbabawal ng Kons­titusyon na siya ay maupo sa anumang posisyon sa gobyerno lalo na iyong may kinalaman sa segu­ridad ng bansa kahit na siya ay “acting” lamang.