GMA ipapatawag sa NBN-ZTE case bilang testigo

MANILA, Philippines - Ipatatawag ng panig ng prosekusyon si dating Pangulong Gloria Macapagal-Arroyo at asawa nitong si  Atty.  Jose Miguel Arroyo bilang mga panguna­hing saksi laban kay dating  Social Security System President Romulo Neri kaugnay ng pagkakasangkot nito sa umanoy maanomalyang kontrata  ng NBN-ZTE deal.

Ayon kay Assistant Special Prosecutor III John Turalba, isusubpoena nila si dating Pangulong Arroyo at asawa nito para mag-testify hinggil sa kinalaman ni Neri sa naturang anomalya.

Noong panahong iyon, si Neri  ay  director general  ng  National Economic and Development Authority  (NEDA) mula 2006 hanggang  2007 , ang mga panahong ang kontrata sa ZTE deal ay naisumite sa NEDA para aprubahan.

Sinasabing si Neri  ay may kinalaman umano sa pag overprice sa kontratang ito kasama ni da­ting  Commission on Elections chairman Benjamin Abalos Jr.

SInasabing si Mrs. Arroyo ay maaari na nga­yong busisiin ng batas sa kasong ito dahil noong Pangulo pa ito ng bansa, hindi ito nakasuhan dahil sa kanyang immunity mula sa mga kaso.