Barko pinasabog, 16 Pinoy sugatan
MANILA, Philippines - Isang oil tanker sakay ang may 31 crew kabilang ang 16 tripulanteng Pinoy ang pinasabog ng mga pirata habang naglalayag sa karagatan ng Oman kahapon.
Ayon sa report na nakarating sa Department of Foreign Affairs, nagtamo ng mga sugat sa katawan ang mga tripulanteng Pinoy at kasamahang 15 Indian crew nang atakihin ang sinasakyang oil tanker na M. STAR na inooperate ng Mitsui O.S.K Ltd ng Japan.
Ang nasabing barko na may kargang 270,204 tonelada ng langis ay patungo sa Chiba port sa Tokyo nang maganap ang insidente. Dakong alas 12;30 ng madaling-araw umano nang maganap ang pag-atake at pagsabog habang naglalayag sa Hormuz strait.
Bagaman napinsala, sinabi ng nasabing manning agency na walang naganap na pagtagas sa kargang langis ng barko.
- Latest
- Trending
