Peace nego ng govt at MILF tuloy

MANILA, Philippines - Upang maisakatu­pa­ran ang pinakamimithing kapayapaan sa bansa, sinabi kahapon ni Government Panel Chairperson Rafael E. Seguis na kaila­ngan ang patuloy na pagtuon at pagtitiyaga sa pakiki­pag-usap sa Moro Islamic Liberation Front.

Kasunod ito sa naging pahayag ni MILF Panel Chairman Mohagher Iqbal na ang MILF ay dismayado sa admi­nistrasyong Arroyo na selyuhan ang peace negotiations sa pagitan nila ng gobyerno na inabot na ng 9 na taon.

Sa pagpupulong ng international peace negotiators sa New World Hotel kahapon, sinabi ni Pangu­long Gloria Arroyo na nagdeklara siya ng polisiya na all-out peace sa Min­danao at isusulong ang kapayapaan sa rehiyon hanggang sa huling minuto ng kanyang termino.

Nakatakdang mag-usap sa susunod na linggo ang GRP at MILF Peace Panels sa Kuala Lumpur upang ipagpatuloy ang kanilang usapin.