128 Lakas-Kampi incumbents, bets todo suporta kay Gibo

Cebu City, Philippines - Halos isang linggo na lamang bago ang halalan sa Mayo 10, may 128 kongresista, gober­nador at mga kandidato ng Lakas-Kampi-CMD ang muling nagtipun-tipon dito upang muling ipakita ang kanilang pagkakaisa, bu­ong paninindigan at si­yento-porsyentong suporta para sa kandidatura sa pagkapangulo ni Gilberto “Gibo” Teodoro.

Sa isang manipesto na may titulong “The Cebu Dec­laration,” sila ay na­ngako na patuloy na su­suporta sa kandidatura ni Gibo at muling hinikayat ang kani-kanilang mga kababayan at nasasa­kupan na basagin ang ka­ni­lang katahimikan upang ipakita at iparamdam ang kanilang buong pagsu­porta kay Teodoro.

Bawat isa sa 95 kon­gre­sista (25 mula sa Luzon, 34 sa Visa­yas, at 36 sa Min­danao), mga lokal na opis­yal at mga kandidato ay lu­magda din ng kani-kani­lang pangako na magbigay ng pinaka­ma­taas na bilang ng boto para kay Teodoro sa kani-ka­nilang mga nasa­sakupan.

Kasama sa mga lu­magda ay ang 33 gober­nador (11 mula sa Luzon, 10 mula sa Visayas, at 12 mula sa Mindanao) na bahagi ng “Governors for Gibo” o G4G na kilala din sa tawag na “Team Pala­bra de Honor” dahil sa ka­ni­lang pagiging totoo sa kanilang mga ipinapa­ngako, kasama na rito ang pagsuporta kay Teodoro hanggang sa Mayo 10.

Lubos namang naga­lak si Gibo sa suportang ipinakita sa kanya mula sa kanyang mga totoo at subok nang mga kaibigan kaya kaniyang pinasala­ma­tan ang mga ito.