MANILA, Philippines - Nangunguna si dating Environment Secretary Lito Atienza sa isang bagong survey ng Manila Research Associates sa mga kandidatong alkalde sa Maynila sa halalan sa Mayo 10.
Kinumpirma naman ni Atienza sa panayam sa kanya sa DZMM ang nasabing survey at inihayag na maging ang runningmate niyang si Bonjay Isip ay nangunguna din dito.
Idinagdag ni Atienza na may kahalintulad ding ginawa sa anim na distrito ng Maynila simula Abril 27-29 kung saan lumalabas na buong ticket ng “Buhayin ang Maynila” ang siyang nangunguna sa local positions sa darating na eleksyon.
Base sa survey, nakakuha si Atienza ng 48.26%; Manila Mayor Alfredo Lim 41.24%; at dating Police Chief Sonny Razon, 9.25%.
Sa nasabing interview, sinabi ni Atienza na ipagpapatuloy niya ang magagandang proyekto ng matatapos na administrasyon ni Lim subalit muli rin nitong bubuhayin ang iba pang public service programs na pinakikinabangan ng husto ng mga Manilenyo noong tatlong termino niyang panunungkulan bilang Mayor ng lungsod. Inihalimbawa ng Alkalde ang pangako nitong organized vending sa Maynila.