ESCALANTE CITY, Negros Occidental, Philippines - Hindi nakumbinsi ni Kris Aquino ang tiyuhin ng kanyang asawang si James Yap para suportahan ang presidential bid ng kanyang kapatid na si Sen. Noynoy Aquino.
Sinabi ni Escalante City Mayor Melencio Yap, si Lakas-Kampi-CMD standard bearer Gilbert Teodoro Jr. ang kanyang sinusuportahang presidential candidate at hindi ang bayaw ng kanyang pamangkin na si Sen. Noynoy.
Pinatunayan ni Mayor Yap na siya ay para kay Gibo ng salubungin nito ang motorcade ni Gibo sa Escalante City kahapon kasama ang libo-libong residente na nakasuot ng kulay green.
Ayon sa alkalde, ang Escalante City na mayroong 53,000 voters kung saan lumaki si James Yap ay para kay Gibo lamang dahil siya lamang ang kandidato na puwedeng ipagmalaki ng mga Pinoy.