Baby James 'fan' ni Villar

MANILA, Philippines - Ikinagulat ni Nacio­nalista Party standard bearer Sen. Manuel Villar Jr. ng malaman na maging ang bunsong anak ni Kris Aquino na si Baby James ay kanyang ‘fan”.

Hindi makapaniwala si Sen. Villar ng mapanood ang video footage ni Baby James na sinasabi ang kanyang pangalan sa isang campaign sortie ng Liberal Party sa Ba­colod City.

Ayon kay Villar, natu­tuwa siya kasi ang mga bata ay busilak ang kaloo­ban at hindi nagsisinu­ngaling.

Isinama ni Kris ang kan­yang anak na si Baby James sa isang campaign ng LP sa Bacolod City kamakailan kung saan ay inuutusan sana ni Kris na magsabi ng ‘hello’ si Baby James sa crowd subalit biglang ang sinabi nito ay “Villar!”

Nagpapasalamat na­man si Villar kay Baby James dahil patunay lamang ito na epektibo ang kanyang jingle dahil lahat ng bata ay alam nilang kantahin ito. (Rudy Andal)