NCR nanguna sa BI job employment visa

MANILA, Philippines - Residente ng Metro Manila ang karamihan ng Pinoy workers na kinuhang manggagawa ng dayu­hang nabigyan ng indefinite stay sa Pilipinas mata­pos mag-avail ng special visa for employment gene­ration (SVEG) na ibinibigay ng Bureau of Immigration (BI).

Sa kanyang ulat kay BI Commissioner Marcelino Libanan, sinabi ni BI legal officer Cris Villalobos na halos 20,000 Metro Mani­lans ang naka-empleyo sa 126 foreign businessmen at 86 dependents na nag-avail ng SVEG.

Ipinarating din ni Villa­lobos, pinuno ng BI-SVEG one stop shop, na kumita rin ang gobyerno ng ma­higit P5 million mula sa 485 foreigners at dependents na kumuha ng nasabing visa.

Nagsimula ang BI na ipatupad ang SVEG noong April 2009, o apat na buwan matapos pirmahan ni Pangulong Arroyo ang executive order na nagbi­bigay ng indefinite stay sa mga dayuhan at dependents na may investment sa business enterprises na nag-e-empleyo ng sampu o higit pang regular at full-time Filipino workers.

Ang SVEG ay inilunsad ng gobyerno para maka­akit ng foreign investors sa bansa at makalikha ng tra­baho para sa mga Pilipino. (Butch Quejada)