Pinay kinatay sa Singapore

MANILA, Philippines - Patay ang isang Pinay sa Singapore ma­ta­pos na pagsasaksakin ng hindi pa kilalang salarin.

Kinumpirma ni Foreign Affairs spokesman Ed Malaya base sa report ng Embahada ng Pili­pinas sa Singapore, ang pagkasawi ni Rosalyn Pascua, 30, ng Peony Mansion sa Ben­coolen St., Singapore na na­tag­puang tadtad ng saksak sa iba’t bang parte ng katawan noong Marso 15.

Ayon kay Charge d’ Affaires Nathaniel Imperial, kasalukuyan pang isina­sa­ilalim sa awtop­siya ang mga labi ng Pinay. Nakiki­pag-ugna­yan na rin ang Emba­hada sa Coroner’s Inquiry hinggil sa kaso ni Pascua upang malaman ang sanhi ng pagpatay at kung sino ang respon­sable dito.

Tiniyak ng Singapore Police na isang kaso ng “unnatural death” ang naga­nap kay Pascua.

Siniguro naman ng DFA na magbibigay sila ng tulong sa pamilya ng pina­tay na Pinay at sa agarang pagpapauwi sa mga labi nito sa Pilipinas.