40 taon na serbisyo-publiko puhunan ni Langit

MANILA, Philippines - Tiniyak ni Lakas Kampi-CMD senatorial candidate Rey Langit na hindi hadlang sa kaniyang kampanya ang kakulangan ng pondo dahil ang puhunan niya ay ang 40 taon na pagbibigay ng serbisyo-publiko bilang isang “crusading journalist.”

Tiwala ang batikang brodkaster na makakapasok siya sa “Magic 12” bilang kandidato sa pagka-senador ngayong darating na halalan sa kabila ng pagiging baguhan sa larangan ng politika o opisyal ng pamahalaan.

Sinabi pa ni Langit na ang unti-unting pag-angat ng kaniyang puntos sa mga surveys sa kabila ng kakulangan ng adverstisement ay nangangahulugan lamang na ang mga botante ay naghahangad na ng mga bagong mukha sa pamahalaan.

“ I do not believe in money politics. I represent change and yet I have a solid track record of public service which gives me my political capital,” ayon kay Langit na ang tinutukoy ay ang kaniyang multi-awarded radio program na “ Kasangga Mo Ang Langit” at ang “Biyaheng Langit” na napapakinggan sa DWIZ bukod pa sa kaniyang prog­rama sa telebisyon. Si Langit ay may 10 taon ng nagliling­kod bilang station manager ng DWIZ. (Butch Quejada)