Gibo nag-ninong sa anak ni Chavit

BAGUIO CITY, Philippines - Wala umanong halong pulitika ang pagi­ging ninong ni Lakas-Kampi-CMD standard bearer Gilbert Teodoro Jr. sa kasal ng anak ni dating Ilocos Sur Gov. Luis “Chavit” Singson kamakalawa sa Vigan City.

Sinabi ni Teodoro, tumayong ninong ni Ryan Luis Singson sa kasal nito kay Patricia Savellano na anak naman ni Gov. DV Savellano, iginagalang niya ang pahayag ni Chavit na nasa proseso pa sila ng pagkuha ng consensus ng mga local officials ng Ilocos Sur.

Wika pa ni Gibo sa kanyang luncheon meeting sa Gibo media team na ginanap sa Gerry’s Grill sa SM-Baguio, patuloy niyang nililigawan hindi lamang si Chavit kundi ang iba pang pulitiko sa bansa para makuha ang kanilang suporta. Katuwang ni Teodoro sa Singson-Savellano wedding na itinuring na wedding of the year sa Ilocos Sur ay si Pangulong Arroyo. (Rudy Andal)