Baywalk bubuhayin ni Atienza

MANILA, Philippines - Bubuhayin ni dating De­partment of Environ­ment and Natural Re­sources Secretary Lito Atienza ang Baywalk sa Roxas Boulevard sakaling muli siyang mahalal na alkalde sa Maynila.

Tiniyak ni Atienza na, sa kanyang pagbabalik sa Manila City Hall, isang ma­ ayos, malinis at kaakit-akit na Baywalk ang kan­yang ihahandog sa mga Mani­leño bilang bahagi pa rin ng kanyang progra­mang “Bu­hayin ang Maynila”.

Sinabi ng dating al­kal­de na hindi totoong du­mumi ang kahabaan ng Roxas Boulevard pati na ang tubig sa Manila Bay nang itayo ang Baywalk.       

“Noon pa man ay ma­higpit na nating ipinatu­tupad ang proper waste disposal sa mga taong namamasyal sa lugar at pati na rin sa mga may-ari ng establisimiyento na umokupa sa Baywalk,” ayon kay Atienza.

Lalo anyang magiging maayos at malinis ang kahabaan ng Baywalk sa­pagkat ang lahat ng mga epektibong pamamaraan na ipinatupad ng DENR ay tiyak na gagamitin sa Bay­walk partikular ang proper waste management at pag­lalagay ng waste water treatment facilities upang hindi makaragdag ng dumi ang mga establi­si­miyento sa karagatan ng Manila Bay. (Gemma Garcia)