Pinay bibitayin!

MANILA, Philippines - Pinagtibay ng korte sa Kuwait ang parusang bitay laban sa isang OFW dahil sa kasong murder.

Ang Pinay domestic helper na si Jakatia Pawa, 34, tubong Zamboanga Sibugay ay nakatakdang bitayin sa pamamagitan ng pagbigti ng Kuwaiti Court of Cassation matapos na patayin umano nito ang 22-anyos na anak na babae ng employer nito na kan­yang pinaglilingkuran sa loob ng limang taon.

Ayon sa Department of Foreign Affairs, nakiki­pag-ugnayan na ang gob­yerno sa Kuwaiti government at sa pamilya ng bik­tima para makakuha ng “Tanazul” o pagpapa­tawad para ma­isalba ang buhay ni Pawa mula sa bitay.

Dahil dito, nakatak­dang magtungo si Vice President Noli De Castro sa Kuwaiti dala ang liham ni Pangu­long Gloria Arroyo para kay Kuwaiti Emir Sheikh Sa­bah, Al-Ahmad Al-Sabah para mabigyan ng commutation o mapa­baba ang sen­tensiya ni Pawa.

Dismayado naman si Philippine Ambassador to Kuwait Ricardo Endaya sa naging desisyon ng Kuwaiti court laban kay Pawa dahil wala naman solidong ebi­densiya na magdidiin dito.