Emergency class sa Albay inutos

MANILA, Philippines - Itutuloy pa rin ng Department of Education ang pagbibigay ng edu­kasyon sa mga mag-aaral sa Albay na nasa danger zone matapos na ipag-utos ang pagsasagawa ng “emergency classes” sa apat na paaralan na ginagamit na “evacuation centers.”

Inutos ng DepEd sa mga namamahala sa Al­bay District, Albay Central School, Buyuan Elementary School, at Matanag Elementary School ang pagsasagawa ng klase sa mga mag-aaral mula tang­hali hanggang alas-6:00 ng hapon.

Ibabalik naman sa normal na kalakaran ang klase ng mga mag-aaral sa oras na ihayag na ng Philippine Institute of Volcanology and Seismology na normal na ang sit­wasyon at ipag-utos ang pagbalik ng mga evacuees sa kani-kanilang mga tahanan.

Habang nagsasa­ga­wa ng klase, mananatili ang mga evacuees sa mga tent sa labas habang magka­klase naman ang mga mag-aaral sa loob ng mga silid-aralan. (Danilo Garcia)