10 na biktima ng paputok, 1 tinamaan ng ligaw na bala

MANILA, Philippines - Umabot na sa 10 katao ang mga biktima ng paputok habang isa naman ang tinamaan ng ligaw na bala kung saan mas mataas raw ang bilang ngayon kumpara noong nakaraang taon, ayon sa huling talaan ng National Epidemiologist Center ng Department of Health.

Siyam sa 10 biktima ng paputok ay mga lalaki habang ang isa ay babae at anim sa mga ito ay mula sa Metro Manila. Pito sa mga biktima ay gumamit umano ng piccolo habang ang dalawa ay sa lusis nadale at ang isa naman ay nagpaputok ng five star.

Samantala, sinabi ni Dra. Joy Pabellon ng NAC, patu­loy na nag-iikot ang kanilang mga tauhan sa mga pagamutan upang makakuha pa ng mga impormasyon tungkol sa mga nabibiktima ng paputok. (Doris Franche)