Customs official pinasisibak

MANILA, Philippines - Hiniling ng grupo ng mga negosyante kay Bureau of Customs Commissioner Napoleon Morales na sibakin sa puwesto si Capt. Ramon Policarpio, hepe ng Customs Police sa Enforcement & Security Service sa Subic Bay Freeport Zone.

Ayon sa ilang negos­ yante, hindi na dapat mana­tili sa kanyang puwesto si Policarpio matapos itong ireklamo ng isang babaeng broker noong Oktubre 9, 2008 ng kasong acts of lasciviousness at grave misconduct dahil sa uma­no’y panghihipo nito ng puwet habang nakatayo sa main entrance ng Customs Building sa No. 307 Canal Road, Subic Bay Freeport Zone.

Dahil dito, nagreklamo ang naturang negosyante kay Intelligence & Investigation Office acting chief Col. Eric Palabrica laban kay Policarpio.

Ikinatuwiran ni Policar­pio sa biktima na napagka­malan niya itong kaibigan. Nadiskubre na hindi ito ang unang insidente ng uma­no’y pambabastos na ki­nasangkutan ni Policarpio. (Butch Quejada)