Recom nagpaalala vs sunog

MANILA, Philippines - Pinag-iingat ni Caloo­can City Mayor Enrico “Recom” Echiverri ang mga residente sa posib­leng insidente ng sunog at pin­salang kaakibat nga­yong Kapaskuhan, kasa­bay ng pag­papaalala na kasado na ang pagha­handa ng pamahalaang lungsod.

Itinaas naman ni Echi­ verri sa alert status ang pamahalaang lung­sod dahil sa mas mara­ming insi­dente ng sunog at kaso ng firecracker-related injury sa mga pana­hong ito.

Kaugnay nito, patuloy sa pagmo-monitor ang Caloocan City Health Department (CHD) sa limang malalaking pagamutan sa siyudad na tinaguriang sentinel hospitals.

Patuloy naman ang inspeksiyon ng mga ta­uhan ng Reformed Department of Public Safety and Traffic Management (RDPSTM) sa ilang esta­blisyemento at residential area upang masiguro ang kaligtasan ng publiko, lalo na ng kabataan, laban sa mga ipinagbabawal at ilegal na paputok.

Kabilang na rito ang piccolo, watusi o dancing firecracker, 5-star “Reben­tador,” “Kingkong,” pla-pla at boga o kanyong gawa sa tubo ng PVC.