Joint session ng Kongreso itutuloy ngayon

MANILA, Philippines - Hindi itinuloy ang naka­ takdang joint session ng Kongreso at Senado para maiwasan ang ba­nga­yan ng mga Senador at Kongresista hinggil sa legalidad ng pag­dedeklara ng martial law ni pangu­long Gloria Arroyo.

Itinakda muli ang natu­rang session ngayong araw dakong alas-4 ng hapon at minabuting bu­ma­langkas na lang muna ng rules para sa gagawing session.

Sinabi ni Majority Leader Juan Miguel Zubiri na kakaiba ang “dynamics” ng mga Kongresista kum­para sa mga Senador kaya malaki ang posibilidad na magbanggaan ang mga ito at tuluyan ng hindi mare­resolba ang usapin ng legalidad ng pagdedeklara ng martial law ni Pangu­long Arroyo sa Maguin­danao.

Aniya, mas mabuting agad maiwasan ang bali­taktakan ng dalawang panig kaysa malagay sa masa­mang imahe ang mga ito.

Aminado naman si Zubiri na nahirapan silang buuin ang naturang rules at ito ang unang pagka­kataon na magdaraos ng joint session ang dalawang kapulungan ng Kongreso. Ang pangyayaring ito ay malayo aniya sa panahon ni dating pangulong Ferdi­nand Marcos dahil mata­pos nitong ideklara ang martial law ay agad na ini-abolish ang Kongreso.

Sinabi naman ni House Speaker Prospero Nog­rales na binibigyan nila ng respeto ang Senado kung saan maging ang uupuan ng mga ito ay isinasaayos na.

Samantala, nais ni Sen. Mar Roxas na ipa­tawag ngayong araw ang pamilya Ampatuan para magpali­ wanag sa umano’y mala­wakang dayaan na naga­nap sa Maguindanao noong 2004 at 2007 election.

Ipinaliwanag ni Roxas na dapat imbestigahan ang naturang dayaan lalo pa at nahukay sa lupang pag­ mamay-ari ng mga Ampa­tuan ang libong bilang ng mga election para­pher­nalias at posibleng ito din ang dahilan kung bakit nag­deklara si Pangulong Arroyo ng martial law sa Ma­guindanao.   (Butch Que­jada/Malou Escudero)