Ampatuan army vs government troops... sagupaan na!

MANILA, Philippines - Sa unang pagkaka­taon, mula nang ideklara ang batas militar sa Maguindanao, nagsa­gupa ang mga commando ng Special Action Force ng Philippine National Police at ang mga armadong militia ng mga Ampatuan sa lalawigan.

Sinabi ni PNP Chief Director General Jesus Verzosa na bandang alas-8:15 ng gabi nang maka­ engkuwentro ng mga police commandos ang may 20 armadong militia sa Barangay Meta, Datu Unsay, Maguin­danao.

Dahil sa mga kagulu­han, nagsimulang magsi­li­kas sa mga ligtas na lugar ang mga residente ng lalawigan.

Naganap ang enku­wentro habang nilalan­sag ng mga awtoridad ang mga armadong grupo ni Maguindanao Go­vernor Andal Ampa­tuan Sr. na ang ilang kaanak ay isi­nasangkot sa pama­mas­lang sa may 57 katao sa lalawigan noong naka­raang buwan.

Sinabi ni Verzosa na mahigit 10 minutong na­ganap ang barilan ng magkabilang panig hang­gang mapilitang mag­si­atras ang mga militia.

Sinasabing may 3,000 armadong militia ng mga Ampatuan ang nagpapa­ lakas ng pu­wersa sa iba’t ibang bahagi ng Maguin­danao bilang pagpalag umano sa pagkontrol ng militar sa pamahalaang panlala­wigan.

Kinumpirma naman ni Justice Secretary Agnes Devanadera na umaabot na sa 70 katao ang naha­harap sa kasong rebel­yon kasunod ng pagka­ka­deklara ng batas militar sa Maguindanao.

Ayon kay Devana­dera, mula sa 62 arrested person kamakalawa, walo pang mga suspek ang hawak ngayon ng mga awtoridad kasabay ng ginawang serye ng pagsalakay ng militar.

Tiniyak din ng kalihim na may matibay na ebidensya ang gobyerno para arestuhin si Gov. Am­patuan Sr.

Samantala, isang ma­tinding tactical alliance umano ang binuo ng mga Civilian Armed Groups ng mga Ampa­tuan at ng Moro Islamic Liberation Front renegades makara­ang ma­ganap ang masaker.

Sinabi ni Lt. Gen. Raymundo Ferrer, Martial Law administrator ng Armed Forces of the Phi­lip­pines, na nakatanggap sila ng impormasyon na humingi na ng tulong sa 106th Base Command ng MILF renegades na pinamumunuan ni Commander Ameril Umbra Kato ang ilan sa mga CVO’s ng mga Ampatuan na sangkot sa masaker.

Kasabay nito, mata­pos ang ilang araw na pagkakaratay sa hospital, isinailalim na sa kustodya ng militar si Gov. Ampa­tuan Sr.. Idi­ne­retso siya sa Army Hospital sa loob ng Camp Panacan sa Davao City. (May ulat ni Doris Franche)