Lakandula Award sa CNN Hero of the Year

MANILA, Philippines - Pagkakalooban ng Order of Lakandula ni Pangulong Gloria Ma­capagal-Arroyo ang Pilipinong street educator na si Efren Pena­florida na tinanghal na CNN Hero of the Year.

Ayon kay Press Secretary Cerge Re­monde, nakikiisa si Pangulong Arroyo sa pagbati kay Penaflorida matapos itong tanghalin kama­kalawa ng gabi bilang CNN Hero of the Year dahil sa kanyang pushcart education program sa mga kabataan at batang lansangan.

Sinabi ni Remonde na pagkakalooban ng Order of Lakandula award si Penaflorida sa san­daling umuwi ito sa bansa.

Balak din ng Senado na kilalalin ang kaba­yanihan ni Penaflorida na nagtataguyod ng edukasyon ng mga ma­hihirap na kabataan sa pamamagitan ng kan­yang “pushcart classroom” program.  

Inaasahan na mag­hahain ng kani-kani­yang resolusyon ang mga senador kung saan nauna na si Senator Pia Cayetano upang para­ngalan si Penaflorida. (Rudy Andal at Malou Escudero)