LP may payo kay Chiz

MANILA, Philippines - Inamin ng Liberal Party (LP) na mas gugustuhin nilang iendorso na lamang ni Senator Chiz Escudero ang kandidatura ni LP presidential bet Senator Benigno “Noynoy”Aquino III, kesa sa umuugong na pagtakbo nitong Vice Pre­sident kung saan sinasabi nitong siya ang magiging running mate ng huli.

Ayon kay Rep. Erin Tanada, LP spokesman sa pulong Balitaan sa Tinapa­yan, mas magiging ben­tahe sa Liberal kung ieen­dorso na lamang ni Escu­dero ang kanyang kandi­datura at huwag na siyang tumuloy sa pagka-presi­dente.

Sakaling tutuloy umano si Escudero sa kanyang planong pagtakbo bilang Presidentiable malaki ang posibilidad na mahati ang boto ng mga kabataan sa kanila ni Aquino.

Kaugnay nito, sinabi ni Tanada na dadaan sa ma­susing proseso ang pag­pasok ng mga lumun­dag na pulitiko sa LP. Kina­ka­ilangan umano na sun­din ng mga bagong papa­sok sa LP ang polisiya at pla­taporma ni Aquino.

Sa Enero ng susunod na taon ay mala­la­man na nila kung gaano karami ang nagsitalon sa LP.

Samantala,sinabi na­man ni Reggie Velasco, spokesman ng Lakas-Kampi-CMD, na hindi toto­ong nauubos na ang mi­yem­bro ng kanilang partido.

Umaalis lamang uma­no sa kanila ang ilang pulitiko dahil hindi mai-accommodate ang kanilang kandidatura.

Naniniwala din si Ve­ lasco na pupunta sa kani­lang partido ang mga na­ulilang miyembro ng Nationalist Peoples Coalition (NPC) at ang mga botong para kay Escudero ay ma­pupunta kay Lakas bet Gilbert Teodoro. (Doris Franche)