Karanasan sa ekonomiya kailangan ng susunod na pangulo

MANILA, Philippines - Umapela ang alyansa laban sa kahirapan at gu­tom sa nagnanais ma­ging pangulo ng bansa na kaila­ngang meron silang kapa­sidad sa pagpapa­takbo at makakapagpa-angat sa ekonomiya ng bansa.

Sinabi ni Crispin So­riano Jr., pangulo ng Ki­lu­san Sagip Pinoy, na ang susunod na pangulo ng bansa ay dapat may ka­ranasan sa pagpapa­takbo ng ekonomiya at maga­wang mapatakbo ang mga programang pang-ekono­miya upang masagip at malutas ang kasalatan sa bansa.

Unang inilatag ng gru­po ang kanilang pa­man­tayan sa pagpili ng bago nilang kandidato sa 2010 habang nanawagan sila para sa totoong lider na lumabas at lumahok sa mga pulitiko na na­kapag-deklara na ng kanilang intensiyon sa pagtakbo sa pampa-pa­nguluhan subalit bigo silang maabot ang ka­nilang pamantayan.

Ilan sa kanilang pa­mantayan ang magan­dang rekord sa serbis­yong pam­publiko, tapat laban sa ‘dik­ta’ mula sa mga mayaya­man at ma­kapangyarihan, May sin­seridad sa pagla­ban sa katiwalian, may kapasi­dad at tapang na haharap ang hamon sa pa­giging makataong pangulo ng bansa.

Aniya, nang tanggihan ng Senado na mapa­num­balik ang pananatili ng United States naval base sa Subic, ang lokal na ekonomiya ay bumagsak subalit ang maayos na pagpaplano ng ekono­miya ang naging daan dito na maging Freeport upang mapagkalooban ng traba­ho ang may 90,000 mang­gagawa sa naturang lugar at napa­sigla ang ekono­miya sa mga kalapit nitong lugar. (Butch Quejada)