Lakas members nag-aalisan

MANILA, Philippines - Itinanggi ng Lakas-Kampi-CMD na may­roong “exodus” sa pagli­pat ng mga miyembro nito sa ibang partidong puli­tikal habang papalapit ang 2010 elections.

Sinabi ni Presidential Political Adviser Gabriel Claudio, mayroong mga miyembro ang Lakas-Kampi-CMD na umaalis dahil naghahanap ito ng ibang partido na kukup­kop sa kanila dahil na rin sa hindi sila ang mapipi­ling pambato ng adminis­trasyon sa local levels.

Inihalintulad pa ni Claudio ang administration party tulad sa isang boxing match kung saan ay dapat magbawas ng so­brang bigat bago sumabak sa la­ban upang maging lalong handa sa kanyang pakiki­paglaban.

Nilinaw rin ni Claudio na kailanman ay hindi na­ging miyembro ng Lakas o Kampi sina Manila Ma­yor Alfredo Lim at Cavite Gov. Ayong Maliksi. (Rudy Andal)