Karagatan babantayan ng PNP

MANILA, Philippines - Inatasan kahapon ni Philippine National Police Chief Director General Jesus A. Verzosa ang PNP Maritime Group na paigtingin ang segu­ridad sa mga karagatan ng bansa laban sa mga nagtata­pon ng basura.

“Ang pulisya ang mangu­nguna sa pagpapatupad ng mga batas laban sa pagta­tapon ng basura sa mga da­gat at ordinansa ukol sa kalika­san. Ang mga naka­raang bagyo ay isang sen­yales na kailangang mag­tulungan tayong lahat upang pangalagaan ang ating ka­paligiran,” wika ni Versoza.

Pinuri ni Versoza ang mga miyembro ng PNP dahil sa kanilang walang patid na pagbisita at pagtulong sa mga lugar na nanga­nga­ilangan sa kasagsagan ng mga bagyong Ondoy at Pepeng.

Aniya, malaki na ang na­ga­wa ng PNP upang pa­ngala­gaan ang kalikasan kabilang ang mga proyek­tong Pulis Makakalikasan at Scubasu­rero na naglalayong magtanim ng mga puno at linisin ang mga dagat. (Butch Quejada)