P1-B flood control project ng DPWH, MMDA 'di napakinabangan kay Ondoy

MANILA, Philippines - Pinabubusisi ng isang kongresista ang tang- ga­pan ng Department of Public Works and Highway (DPWH) at Metro Ma­nila Development Au­tho­rity (MMDA), para mag­­bigay linaw hinggil sa P1 billion flood control warning system pro­ ject na da­pat ginamit no­ong hagu­pitin ng bag­yong Ondoy ang Metro Manila at kara­tig probin­siya na nag-iwan ng daan-daan namatay na tao at billion halaga ng mga si­ nirang ari-arian.

Sinabi ni Nueva Viz­caya Rep. Carlos Padilla, kailangan magpaliwa-nag ang DPWH at MMDA kung bakit hindi ito gina­mit o naging operational noong nagkaroon ng mga bagyo sa bansa.

Napag-alaman, kaya hindi raw ginagamit para sa monitoring ng mga bag­ yo ang flood control war­ning system dahil saksa­kan daw ng mahal ang maintenance nito at hindi kayang gastusan umano ng gobyerno.

Nagtataka si Padilla, kung bakit binili ito gayun dapat aniya ay nagkaro­on muna ng project study bago ito binayaran.

Ang nasabing flood control warning system ay nakatiwangwang la­mang sa isang lugar at hindi ginagamit noon pang isang taon.

Ayon sa political observers sa Kamara, mis­­tu­lang Bataan nuclear plant ang proyekto ng DPWH at MMDA dahil matapos gastusan ay hin­ di naman ito ginamit.

“Sinayang lang nila ang pera ng taong ba- yan na siyang nagbaba­yad nito sa mga inutang ng pa­mahalaan,” anang mga po­litical observers. (Butch Quejada)