MANILA, Philippines - Muling nagpahayag ng buong suporta ang 42,000 miyembro ng Liga ng mga Barangay para mapalawig ang kanilang termino hanggang 2012.
Ayon kay National LnB President Ricojudge “RJ” Echiverri, nagkakaisa ang mga opisyal ng barangay sa buong bansa sa pagsuporta sa mga panukalang batas na inihain sa Mababang Kapulungan ng Kongreso para sa dalawang-taong ekstensyon sa termino ng mga opisyal ng barangay.
Sinabi ng nakababatang Echiverri na suportado nila ang panukalang inihain kamakailan nina Agusan Del Norte Congressmen Francisco Matugas at Guillermo Romarate, Jr. na nagpapalawig nang hanggang dalawang taon sa term of office ng mga kasalukuyang barangay official na nakatakdang matapos ang termino sa Oktubre 2010.