20,000 workers kakailanganin sa North Harbor

MANILA, Philippines - Dalawampung li­ bong manggagawa o higit pa ang kakailanganin ng North Harbor sa pagsisi­mula ng mo­dernisasyon ng nabubulok na pantalan.

Kabuuang P14.5 bil­yon pondo ang inihanda ng nagwaging Metro Pacific Investments Corp. (MPIC) at Harbour Center Port Terminal (HCPT) para sa moder­nisasyon ng North Harbor upang ma­iha­nay sa mga moder­nong daungan sa ibang bansa.

Sinabi ni Tricia Sande­jas, tagapagsalita ng Har­bour Center, igagalang nila ang Terms of Reference (TOR) na inilatag ng PPA kung saan lahat ng traba­hador sa pantalan ay hindi tatanggalin ng nana­long bidder kasama na rin ang collective bargaining agreement sa mga unyon. 

Aniya, hindi mawa­walan ng trabaho ang mga mang­gagawa sa pantalan bagkus ay magbubukas pa ito ng dag­dag na 10,000 hang­gang 20,000 bilang ng mga bagong manggagawa.

Ayon kay Sandejas, nakatakda nang simulan ang modernisasyon ng North Harbor sa taong ito matapos ang mahigit da­ lawang taong bidding process.

Noong nakaraang ling­go ay binuksan ng special bids and awards committee ang mga dokumento na isinumite ng consortium at lumabas na ang HCPT-Metro Pacific ang tanging grupo ng bidders na naka­pasa sa pre-qualification at bidding requirements ng PPA matapos hindi maka­pag-submit ng kanilang kumpletong do­kumen­tas­yon para sa proyekto ang kalaban nilang Asian Terminal Inc. (ATI) at iba pang sumali sa bidding. (Butch Quejada)