10-M pirma target vs tax sa text

MANILA, Philippines - Isang malawakang “signature campaign” ang ilili­ bot sa buong Pilipinas ng isang civic group laban sa nilulutong pagbubuwis sa text messages sa Maba­bang Kapulungan ng Kon­greso na layong makakalap ng 10 milyong pirma o higit pa.

Sinabi ni Cellphone Ow­ners and Users of the Philippines (COUP) foun­der Ariel Inton na uumpi­sa­han na ngayong linggo ang pag-iikot ng kanilang daan-daang mga miyem­bro para sa pagpapapirma upang maihayag ang pag­kontra ng sambayanan sa pani­bagong pasakit sa bulsa ng mga karaniwang Filipino.

Ayon kay Councilor Inton, kasalukuyan ring majority floor leader ng Quezon City Council, hihi­ngin nila ang tulong ng ma­mamayan upang tutulan ang panukala ni Cong. Danilo Suarez.

Isusumite nila ang ma­kakalap na mga pirma sa Kamara at maging sa Se­nado upang maipa­kita sa mga mambabatas ang bi­lang ng mga taong tumu­tutol dito.

Ipinaliwanag ni Inton na nais nilang maliwana­ gan kung paano ipapataw ang tax kasabay ng pag­giit na imposible ang sina­sabi ng mga kongre­sis­tang puma­bor sa panu­kala na hindi ito ipapasa sa mga consumer. (Ricky Tulipat)