Customs bigo sa 'ukay-ukay'

MANILA, Philippines - Binatikos ng Buklurang Manggagawang Pilipino (BMP) at Federation of Philippine Industries (FPI) ang pagkabigo ng Bureau of Customs na mapahinto ang pagdagsa ng “ukay-ukay”, agricultural products at iba pang mga smuggled goods sa bansa.

Sinabi ni Leody de Guzman ng BMP, libo-libong manggagawa ang nawawalan ng trabaho sa garment industry dahil sa hindi masawatang smuggling ng mga “ukay-ukay” na may kasamang mga imported na used clotihing.

Ayon din kay Portia Ariesgado ng Association of Displaced Filipino Wor­ kers, maraming mang­ga­gawa sa mga pabrika par­tikular sa garment industry ang nawalan ng tra­baho matapos magsara ang kanilang pagawaan dahil sa talamak na smuggling sa bansa ng “ukay-ukay”.

Umapela naman si FPI president Jesus Aranza sa Kongreso na mahigpit na ipatupad ang Lateral Attrition Law upang maeng­ganyo lalo ang BOC na palakasin ang kanilang tax collections at labanan ang smuggling.

Hiniling din ni Aranza sa Kongreso ang pagsa­sagawa ng imbestigasyon dahil sa pagkabigo ng BOC na labanan ang pag­pasok ng smuggled na ukay-ukay gayundin ang pagkabigong mapalago ang koleksyon nito na sinasabi ng International Monetary Fund na short ng P100 bilyon. (Rudy Andal)