Labanan ng mag-pinsan sa 2010

MANILA, Philippines - Ilang araw matapos na magdeklara si Senador Noynoy Aquino na tatakbo na siya sa pagka-Pangulo sa 2010 sa ilalim ng Liberal Party (LP), inihayag na­man ni Defense Secretary Gilbert Teodoro Jr, na ma­laki ang posibilidad na mag­karoon ng “Co­juangco-Cojuangco fight”, sa kabila na hindi pa ito opisyal na pambato ng Lakas-Kampi-CMD.

Ayon naman sa ilang political expert, bagaman inaasahang magiging ma­gandang laban kung mag­sasagupa sa 2010 ang magpinsan, malaki naman anya ang pagka­kaiba ng dalawa dahil ginagamit ni Gibo ang isyu ng giyera sa Mindanao para tumakbo bilang pre­sidente habang si Noynoy naman ay tinu­tulak ng publiko na tu­makbo bilang pangulo.

At dahil sa pagiging Cojuangco rin niya sa ‘surname’, pakiramdam uma­no ni Gibo ay karapat-dapat siya sa titulong Pangulo ng bansa, at ma­kumbinsi ang mga miyem­bro at lider ng Lakas-Kampi na gawin siyang ‘standard-bearer.’

Bagamat nasa Lakas-Kampi-CMD umano ito, nag-aalinlangan naman at nagkakaroon ng suspetsa ang mga miyembro kung magiging ‘loyal’ sa partido o magiging karapat-dapat ba si Gibo sa nominasyon.

Si Gibo din umano ang lumabas na pinakama­baba sa survey kumpara sa ibang mga presiden­tiables gaya nina Vice President Noli de Castro at MMDA Chairman Bayani Fer­nando. (Butch Quejada)