Archbishop Cruz nagretiro na
MANILA, Philippines - Nagretiro na si Lingayen-Dagupan Archbishop Oscar Cruz na kilalang kritiko ng administrasyong Arroyo kung saan papalitan naman ito ni Balanga Bishop Socrates Villegas.
Nabatid na inaprubahan ni Pope Benedict XVI ang kahilingan ni Cruz na magretiro sa edad na 74.
Sa ilalim ng Code of Canon Law ng simbahan, ang retirement age para sa mga Obispo ay 75.
Sa darating na Nobyembre 17 pa sasapit si Cruz sa edad na 75.
Una nang sinabi ni Cruz na nais niyang mapagtuunan ng pansin ang kaniyang mga adbokasiya at ang pagiging pinuno niya ng matrimonial tribunal ng CBCP.
Si Cruz ay kilala sa pagbatikos sa katiwalian at nangunguna upang maalis ang jueteng sa bansa.
Nagsilbi din itong pangulo ng CBCP mula 1995-1999. Pinakabatang arsobispo naman ng bansa si Villegas sa edad na 48 na dating auxiliary bishop sa charismatic ni Manila Archbishop Jaime Cardinal Sin. (Doris Franche)
- Latest
- Trending
