SuperFerry probe: Survivors ipapatawag

MANILA, Philippines - Ipapatawag ng Board of Marine Inquiry ng Philippine Coast Guard ang mga pasaherong nakalig­tas sa paglubog ng bar­kong SuperFerry 9 sa Sio­con Bay sa Zamboanga del Norte kamakalawa para sa imbestigasyon sa insidente na sisimulan sa Biyernes.

Kabilang sa sisilipin sa imbestigasyon kung naka­sunod sa standard requirements ng International Maritime Organization at kung dapat na agad sus­pendihin ang operasyon ng mga barko ng Aboitiz na may-ari ng lumubog na SuperFerry.

Kinumpirma rin ng PCG na dalawang pasa­hero na lang ang hinaha­nap at umabot sa siyam na tao ang nasawi sa tra­hedya.

Tatlo sa mga namatay ang nakilalang sina James Calero, 2; Carina Ampere, 23; at Fernando Estrada, 45, cameraman ng Star Cinema Productions.

Uusisain naman ang mga nakaligtas na pasa­hero para mabatid ang mga pangyayari sa pagta­gilid at paglubog ng barko habang naglalayag ito mula sa General Santos City.

Kabilang sa mga sina­sabing kapabayaan ang pagtuloy pa rin ng biyahe kahit nakatagilid na ang barko noong nasa General Santos City pa ito, patay-sindi ang generator set at posibleng kapabayaan sa kargamento na maaring may napatid kaya bumigat sa kanang bahagi kaya tumagilid at tuluyang lumu­bog.  

Iniutos kahapon ni Pa­ngulong Gloria Macapa­gal-Arroyo ang mabilisang pag-iimbestiga sa BMI upang mabatid ang tunay na da­hilan ng paglubog ng Su­perFerry 9 sa Zam­boanga Peninsula noong Linggo.

Inatasan din ng Pa­ngulo ang Department of Health at Department of Social Welfare and Development na tulungan ang mga biktima.

Nangako naman ang Aboitiz na tutulungan nila ang mga pamilya ng mga nasawi gayundin ang mga nasugatang pasahero.

Umaabot na sa siyam katao ang naitalang death toll, 967 ang nailigtas ha­bang dalawa na lang ang nawawala sa malagim na trahedya sa paglubog kamakalawa ng Super Ferry 9.

Sa mga survivors, 29 dito ay mga crewmembers ng ABS-CBN-Star Cinema na nag-shot ng ilang scene sa General Santos City para sa pelikulang pagbibi­dahan ni dating Pangulong Joseph ‘Erap’ Estrada.

Sinasabing, bago lu­mu­bog ang barko, naka­rinig ang mga survivors ng kakaibang ingay galing sa ibabang bahagi ng barko matapos na isakay rito ang mga container vans.

Ang nasabing barko na may lulang 968 katao ay umalis sa pier ng General Santos City dakong alas-8:45 ng umaga noong Setyembre 5 patungo sana sa Iloilo City nang aksi­denteng lumubog ito nitong linggo. Ipinag-utos ng ka­pitan nitong si Jose Yap ang ‘abandon ship’ mata­pos na tumagilid ang barko hanggang sa tuluyan itong lumubog.

Nabatid na may kar­gang 200,000 litrong industrial fuel oil; 80,000 li­tro ng automotive diesel oil, 10,000 litro ng lube oil ang SuperFerry 9 pero igi­niit ng pangasiwaan nito na wala itong kargang mapa­nganib na mga kemikal .

Ayon sa NDCC, sa kabuuang 968 katao na nasa manifest ng Super Ferry 9, 847 rito ang pasa­hero, 117 ang crew at apat naman ang sea marshals pero maliban dito ay hini­hinalang overloaded ang barko.

Samantala, nilinaw ka­ha­pon ng Star Cinema na tanging mga kagamitan lamang nila sa pagsu-shooting ng comeback movie ni Estrada na “Ta­nging Pamilya” ang naka­sama sa paglubog ng MV SuperFerry 9.

Sa panayam sa radio (Bombo Radyo), sinabi ni Alvin Despa, unit head ng Star Cinema crew, na lulan din ng lumubog na barko at isa sa mga masuwer­teng nakaligtas sa tra­hedya, nailigtas ang mga footage na kinunan sa General Santos City dahil dinala ang mga ito sa Maynila sa pamamagitan ng eroplano.

Ayon kay Despa, ang mga lumubog lamang ka­sama ng SuperFerry 9 ay ang dala nilang equipment tulad ng camera, mga props at generators.