Labuyo, nanatili ang lakas habang palabas ng Pinas

MANILA, Philippines - Nanatili ang lakas ng bagyong Labuyo habang ito ay patungo na sa direksiyon ng Southern Japan kahapon ng umaga.

Ayon sa Philippine Atmospheric Geophysical and Astronomical Services Administration (PAGASA), ganap na alas-11 ng umaga, si Labuyo ay namataan sa layong 660 kilometro ng silangan ng Tuguegarao City taglay ang lakas ng hanging 75 kilometro bawat oras malapit sa gitna at may pagbugso hanggang 90 kilometro bawat oras.

Bukas, si Labuyo ay inaasahang nasa layong 980 kilometro silangan ng Tuguegarao City o 910 kilometro ng Basco, Ba­tanes.

Bagamat palabas na ng bansa, pinag-iibayo pa rin ni Labuyo ang habagat kayat patuloy na maka­karanas ng pag-uulan ang buong southern Luzon at Visayas. (Angie dela Cruz)